Traballadores da Xunta de Galicia xa están coa maquinaria traballando na zona no tramo que vai dende o Castrón do Novaiño (altura do núcleo rural de Santa Ana, dende a Nacional 525), pasando pola Nogueira, Santa Mariña e Piñeira darriba. O camiño segue en dirección a San Salvador dos Penedos e Allariz.
 |
| Foto: Nova variante do Camiño de Santiago no Concello de Sandiás. 2020 |
Esta variante do camiño de Santiago transcorre caseque todo él por carreiras ou camiños de carros. Ao longo do camiño hai bidueiros, carballeiras, castros (castrón Novaiño), petroglifos (o penedo da cabra no Monte Pendón), ermidas (Santa Mariña), fontes de auga (Fonte da Costa), muiños ( Muiño dos Roleiros), pasadoiros de pedra, río así como moito patrimonio inmaterial ( lenda de Santa Mariña, lendas de mouros…).
Neste caso, quérese por en valor o tramo da nova variante do camiño que se aproxima a Piñeira darriba e que destaca por unha pontella ou pontiña, construcción simple de pedra de granito semellante a unha ponte pero máis sinxela, con empedrado continuo, pequeña e que serve para atravesar xente ou gando. Son froito da evolución dos pasadorios ou poldras. Non dispón de arcos nin de varanda. Tamén se lle coñece con nomes como pasarela,ponticelas, pontellos ou pontigos.
O seu carón, sempre están rodeadas dunha rica toponimia menor que neste momentos estase a perder totalmente. No noso caso, a toponimia menor deste tramo refléxase nos seguintes nomes: perdigón, regato vello, os terreos da cal, os liñares e os prados do muiño.
